Festivais
O Resurrection Fest pasa por ser o mellor festival de metal e hard-rock da Península Ibérica. En apenas 9 edicións, o festival deu colocado Viveiro no mapa mundial metaleiro, cun cartaz que adoita traer as mellores bandas mundiais dese estilo e que tamén lles fai un oco ás bandas do país. Aínda faltan 25 confirmacións para a edición deste ano, entre as que se encontran precisamente as galegas.
- Visitas: 2175
O Reperkusión abre o prazo de presentación de solicitudes para os artistas que queiran participar no Festival. Igual ca o ano pasado, tres dos artistas serán elixidos polo público, a través das redes sociais do Festival. Polo de agora, os españois Muchachito y sus compadres, os portugueses Crassh e os galegos Cuchufellos e Terbutalina son as únicas confirmacións da 12ª edición do Reperkusión. Até o 15 de abril, as entradas están á venda a 20€+Gastos.
- Visitas: 1645
Ler máis: Reperkusión abre prazo para as bandas presentaren propostas para a edición 2014
O 17 e 18 de abril terá lugar unha nova edición, xa a cuarta, do Aversion Fest en Burela. Machina, The Brosas -habituais do festival-, Skholma ou Mutant Squad, xunto a outras coma os portugueses Above the Hate, entre as primeiras confirmacións para a edición deste ano. O Aversion é un festival autoxestionado e independente, que aposta principalmente polas bandas amateurs mais que tamén deixa oco para formacións semiprofesionais e profesionais, sempre dentro dos límites marcados polos recursos dos que dispoñen.
- Visitas: 2217
Ler máis: Varios grupos do país, confirmados para o Aversion Fest 2014
"O mellor festival con entrada de balde do país” segundo os organizadores, contará coa presenza do Sonoro Maxín, Terbutalina, Medomeda e A Compañía do Ruído nesta nova edición do Rock in Rian. A que constitúe a quinta deste festival rianxeiro celebrarase este sábado día 14 e chega cargada de boa música e de novos apoios, coma o de Culturactiva SCG na produción do evento. Serán 7 horas de festa de calidade e con entrada de balde.
- Visitas: 2137
A consellaría de Cultura presenta a sexta edición do festival de músicas Espazos Sonoros, que se desenvolverá do 8 de setembro ao 27 de outubro de 2013, en espazos de interese cultural ao longo da xeografía galega. Nesta sexta edición do festival, destaca a presenza da formación vocal inglesa Gothic Voices, un dos mais nomeados grupos especializados na interpretación de música medieval, que actuará na igrexa de Santa María de Armenteira o domingo 6 de outubro. Un espectáculo de danza coa Cía. trasPediante, o guitarrista Marcos Teira, o arpista Emilio Cao, o grupo Odaiko ou Caxade son algunhas das propostas que completan o programa desta nova edición.
- Visitas: 1773
Música, baile, gastronomía e, sobre todo, troula, foron os grandes protagonistas da XII edición do SonRías Baixas. Aínda que non se cumpriron as expectativas de éxito do ano pasado, o festival logrou reunir entre os dous días unhas 10.000 persoas e tivo un importante impacto económico sobre a vila de Bueu. Velaquí a nosa impresión do festival morracense.
- Visitas: 2623