Grupos

Anxo Araújo estrea ‘Aprender a bailar’, o seu esperado segundo disco. Despois de tres sinxelos de adianto chega ás plataformas dixitais, e tamén en formato CD e vinilo, un álbum de nove temas onde os ritmos bailables, as percusións latinas, os ventos e os sintetizadores marcan a paisaxe sonora. ‘Aprender a bailar’ é un disco que “disipa tormentas” e que convida a celebrar a vida e a vivir o presente. As primeiras datas da xira de presentación serán en Compostela, A Coruña, Lugo e Cambados

Xira e lanzamento dun recompilatorio cos seus grandes temas. A banda coruñesa celebrará nas vindeiras semanas o seu 20º aniversario, e o comezo será na Sala Garufa o próximo sábado 30 de abril para abrir unha xira de aniversario que levará o grupo a Santiago, Ferrol ou Lugo durante o mes de maio. Neste primeiro concerto soarán cancións habituais do seu repertorio e as dúas inéditas que se recollen en ‘Tiruleque, 20 anos no camiño’, o disco co que celebran o seu 20º aniversario.

O polifacético Breogán Xague vén de publicar Xague 1, a súa estrea discográfica e a primeira parte dunha triloxía que promete adentrarse na experimentación máis extrema. Sampleos que beben do imaxinario popular e rimas que derruban tópicos nun traballo que, coma a propia triloxía, fala da emigración, do que volve á súa terra sabendo que vai volver marchar. 

A Banda da Loba publica o seu cuarto traballo a vindeira sexta feira, 29 de abril. O disco intitúlase Xabón Lagarta e xa coñecemos 2 adiantos, 'Pepa' e 'Tribo'. As da Loba presentarán o xoves 28 de abril o videoclip do terceiro adianto, como pistoletazo de saída á publicación do traballo.

A banda de Noia consolida a fusión como sinal de identidade propoñendo 12 temas que mesturan o folk-rock cos ritmos latinos e a tradición galega.  Vacacións en Ornanda evoca a Galiza turistificada dos anos 90 e toma como referencia estética o desaparecido Hostal Azteca de Porto do Son. Desde o 8 de abril o disco pode escoitarse en todas as plataformas dixitais e está dispoñible a pre-venda en formato CD e vinilo.

O venres 25 de marzo estreouse o novo traballo discográfico de BERTO, que -despois de ser adiado por enfermidade dun membro da banda o 31 de marzo- será finalmente presentando o vindero 8 de abril na Sala Capitol en Santiago de Compostela.

Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.