GZmusica.com - Músicas da Galiza

Cultura

O 7 de setembro abre as súas portas a Casa Museo Manuel María en Outeiro de Rei. A casa natal do escritor chairego foi reformada e mostrará a partir de agora a súa magnífica biblioteca, un importante fondo artístico, a correspondencia con diversos persoeiros da nosa cultura, etc. Alén do acto institucional matutino e do xantar popular, -para o que xa non se pode reservar-, haberá música e poesía ao vivo e de balde.

: Published: 04 Setembro 2013; Visitas: 2395

Ler máis: Música e poesía, na inauguración da Casa Museo de Manuel María

O pasado luns 26 botou a andar ARTELIXO 13, un mostra de arte e actitude ao redor do refugallo, o lixo e a reciclaxe que toma as rúas de Redondela até o 6 setembro. Dentro das diversas actividades que se irán desenvolvendo na vila dos viadutos temos un concerto do cantautor punk O Leo Arremecaghoná o vindeiro sábado 31 ás 22h da noite. Porén, non só música, senón un mercadiño, proxeccións de vídeo, etc. completan o programa desta edición da mostra de arte redondelá. No interior do artigo, tedes a programación polo miúdo e o Manifesto Artelixo 2013, lido o día da inauguración da mostra.

: Published: 28 Agosto 2013; Visitas: 1998

Ler máis: Artelixo 2103

O pasado día 10 de agosto, a iso das 12 da mañá, Agalip presentou na feira do cómic da Coruña o seu novo proxecto, Oink! Unha revista infantil, pensada para os pequenos da casa que busquen unha publicación diferente. Ademais, a estrea desta nova publicación vén da man da volta dos videoclips ao Xabarín Club da TVG, con Xenderal e Lydia Botana como primeiros dunha serie que esperamos continúe axiña. O porco bravo vén de facer 18 anos e semella recuperar folgos...E ti, xa es do clube?

: Published: 27 Agosto 2013; Visitas: 2544

Ler máis: Revista e novos temas na maioría de idade do Xabarín

O pasado mes de xullo presentouse a webserie Fame en Celanova, no Curso Audivisual que celebra a Universidade de Vigo hai 10 anos na vila ourensá. Agora reestreáronse na rede os 3 episodios, realizados por estudantes da Facultade de Ciencias Sociais e da Comunicación e da Escola Superior de Arte Dramática ESAD, que alén do estritamente cinematográfico contan cunha banda sonora en que aparecem Cats and Monkeys, Escuchando elefantes, Terbutalina e Salvation Army.

: Published: 26 Agosto 2013; Visitas: 2434

Ler máis: Fame, webserie con música do país

: Published: 26 Abril 2013; Visitas: 2586

Ler máis: Matemática danzada. Danza e arrolos o 10, 11 e 12 de maio en Teo

Cartaz concerto Sahara

: Published: 15 Abril 2013; Visitas: 2472

Ler máis: Solidariedade musical co Sahara

aCentral Folque en colaboración coa Fundación Granell presenta as Miniaturas Musicais de Eugenio Granell. Unha creación do cubano Alejandro Vargas sobre as anotacións musicais para violín, guitarra e gaita do propio Granell e que foron atopadas pola xente de aCentral Folque.

: Published: 27 Febreiro 2013; Visitas: 1920

Ler máis: Miniaturas Musicais de Eugenio Granell

Foi no 2003 cando Ábrete de orellas deu o salto á rede. Hai agora 10 anos, o proxecto radiofónico que nacera da man de Pepe Cunha no 1997 pasou a se converter en Ábrete de orellas.com. Así naceu este portal especializado en música e concertos na Galiza. Cunha atención especial a artistas, salas e produtoras do país, Ábrete de orellas non pretende crear tendencias, senón divulgar, ser un punto de encontro das diferentes propostas. Máis de 1500 seareiros en facebook e máis de 20000 visitas no último ano respaldan o labor dun referente senlleiro da música galega na rede.