Cultura
Onte pola mañá presentouse na Cidade da Cultura a vixésima edición de WOMEX, a maior feira mundial das músicas do mundo, que se celebrará en Santiago de Compostela do 22 ao 26 de outubro. Na rolda de prensa estiveron presentes varios políticos a carón de Antonio Martinez, de Nordesía Produccións, empresa promotora do evento en Galicia e Christoph Borkowsky, presidente de Womex. Segundo os organizadores, agárdase a chegada de máis de 2.000 profesionais da música de todo o mundo. Nos días que dure a feira haberá arredor de 60 concertos en diversos lugares da capital do país.
- Visitas: 1854
A través do INAEM, convócanse unhas axudas dirixidas tanto a músicos como a asociacións sen ánimo de lucro e programadores musicais varios. Trátase dunhas axudas de carácter estatal, quizais complicadas para os festivais galegos organizados por asociacións por mor dos requisitos solicitados pero si moi interesantes para as formacións do país interesadas en saír tocar fóra. Tamén os grandes festivais galegos poden optar a unha das liñas de axuda.
- Visitas: 1635
Ler máis: O ministerio de Cultura español convoca axudas á música
A cantante e músico Mercedes Peón pronunciará mañá martes ás 19 horas, no Consello da Cultura Galega, a conferencia de inauguración do II Festival Atlántica de Narración Oral, presentada pola catedrática de Comunicación Audiovisual e académica da lingua Margarita Ledo. Será o punto de partida do festival de narración oral máis importante de Galicia, que este ano conta coa participación de narradores e narradoras da Bretaña, Irlanda, Madeira, Arxentina, Uruguai, Brasil, ademáis de boa parte dos contacontos profesionais do noso país.
- Visitas: 2334
Ler máis: Mercedes Peón inaugura mañá o II Festival Atlántica de Narración Oral
En xullo do ano pasado presentouse a webserie galega Fame. Durante 3 episodios seguimos a Eme e a Uve na súa noite de festa desenfreada, na que a música galega puña a banda sonora. No 2014 volve Fame. Eis o novo video promocional, co que queren resumir o espírito da webserie e demostrar que están aquí para quedar. Un adianto, mentres agardamos a segunda temporada, coa música de Sés, 'Unha sombra de min'.
- Visitas: 1414
O vindeiro sábado 15 de febreiro remata o prazo para presentar propostas ao IV Concurso de grupos galegos Arteficial. A Asociación Arteficial escollerá entre as propostas presentadas cales pasan ao concurso, que consistirá nunha votación na súa web. O gañador actuará no Arteficial 2014, o 15 e 16 de agosto. No interior do artigo podedes ler as bases íntegras.
- Visitas: 1603
Até 40 bandas se inscribiron no primeiro Concurso Rock in Río Tea. A organización xa escolleu as 8 formacións finalistas que ao longo dos vindeiros sábados irán pasando polo escenario do JJ Copas de Ponteareas para dirimir cal é a vencedora desta primeira edición. Ademais, os organizadores xa teñen o seu "himno oficial", un tema que soará polo Condado e a Paradanta promocionando o seu festival
- Visitas: 1419
Por sétimo ano consecutivo, a Asociación Cultural Millo Verde organiza o seu concurso de maquetas. Dirixido a formacións que non teñen contrato discográfico ou discos editados, agás as autoedicións. As participantes deben enviar 3 temas antes do 28 de febreiro. O gañador levará 300€ e formará parte do cartaz do Millo Verde 2014.
- Visitas: 1686
A Pousada das Ánimas leva xa uns anos remexando o panorama cultural do Barbanza. Desde Boiro, cunha programación na que teñen cabida distintas expresións artísticas, nomeadamente a música. Agora, os seus xestores convocan os Premios A Pousada das Ánimas 2013, no que se pode votar polas mellores actuacións do ano pasado no local, que optarán a diversos premios.
- Visitas: 1608