Cultura

Máis un ano, ponse en marcha o concurso musical do Correlingua, o Cantalingua. Os colectivos organizadores da carreira pola lingua buscan dar a coñecer entre o público máis novo a música feita en galego e tamén apoiaren estas bandas, que poderán levar un premio en metálico e terán a posibilidade de tocar ao vivo nas 12 vilas e cidades polas que pasará o Correlingua 2016.

Fernando F. Rego vén de editar con Lafonoteca.net a primeira biografía oficial de Andrés do Barro. O libro, escrito en castelán, xa está á venda na propia web e será apresentado en Ferrol, hoxe 10 de xullo, coa música ao vivo de Quant e Roger de Flor e a presenza da familia de do Barro. A obra de F. Rego abrangue a carreira artística do crooner ferrolán, desde o seu comezo na cidade departamental até o periplo mexicano e os últimos anos en España.

A cantautora compostelá impúxose a outros sete finalistas na gala coa que rematou o concurso. Pilar Martínez fíxose co accésit  do público á mellor canción e a propia Sofía levou o accésit á mellor artista. Agora a polifacética cantautora -con experiencia no teatro, danza contemporánea, claqué, circo, etc- terá a posibilidade de gravar un EP e de facer unha xira de presentación, para alén de ter paga a cota da Asociacíón de Músic@s ao Vivo por un ano.

O 25 de abril terá lugar a gala da II Edición do Certame de Canción de Autor en Galego "Concello de Teo". Sofía Espiñeira, Laura Iglesias, Noé Subiela, Isis, Pilar Martínez, Lucía da Fonte, Sandra Tenreiro e Umbra son as propostas escollidas polo xurado, formado -entre outros- por Xoán Curiel, director artístico do certame ou Najla Shami. O xurado alabou a grandísima calidade das propostas presentadas nesta segunda edición do certame do concello teense.

Até o 26 de abril podes votar na web dos Premios da Música Independente entre as distintas propostas finalistas das doce categorías sometidasá votación popular nestes premios. No que atinxe á música galega, as bandas finalistas no apartado de mellor álbum en galego de 2014 son Guadi Galego, Xoán Curiel, Why Go, Terbutalina e Sub Rosa. Os gañadores daranse a coñecer o 11 de maio nun acto en Madrid.

Fixemos 3 anos e imos celebralo da maneira máis lóxica para nós. Concerto e festa rachada! Será o 25 de abril no Aturuxo de Bueu, cos 3 Trebóns e A Familia Caamagno ao vivo no escenario do histórico local de Bueu. As entradas custan 6€ en adiantada e 8€ en billetaría. E se es unha das primeiras 30 persoas en mercar entrada adiantada, tes regalo seguro: unha camisola de GZmúsica.

O Cantautor punk de Matamá Leo i Arremecághona é o protagonista dunha nova sorprendente. Un vídeo dunha súa actuación en Compostela subido hai uns días á rede valeulle o recoñecemento como a mellor versión dos Clash de todos os tempos, por parte dos propietarios dos dereitos de todas as cancións dos Clash, unha multinacional anglosaxoa. O Seu Vil-Lingüismo Harmónico, cover do Should I Stay, Should I Go, foi o responsable. No que semella unha manobra de marketing ao mellor estilo "Enrique Iglesias", prevese desembarco no país de inxentes cantidades de punks cincuentóns de todo o mundo.

O vindeiro mércores 1 de abril presentarase en Monforte o libro+CD sobre a figura de Amadeo Goyanes Vázquez. Unha investigación a fondo sobre un dos precursores do rexurdimento da zanfona no noso país, levada a cabo por Pablo Quintana. O dúo formado poloss galegos Óscar Fernández, zanfona, e Carlos Quintá, acordeón, e mais a actuación da canadense Tobie Miller, por vez primeira na Península, amenizarán o acto.

Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.