Cultura


A sexta cerimonia de entrega dos Premios Martín Códax da Música demostrou con máis forza ca nunca que é a gran cita anual da música galega; o momento agardado para celebrar a cantidade, calidade e diversidade da nosa produción musical, pero tamén para lembrar as reivindicacións do sector. Nao no seu ano de despedida, Xoán Curiel, Tanxugueiras e o Festival de Pardiñas ou o Diario Cultural da Radio Galega, entre os proxectos premiados.


Cales son os grupos galegos que máis soan? A pregunta é complicada de respostar pois hoxe en día existen moitísimos xeitos de acceder á música dunha banda. En GZmúsica decidimos tirarnos á piscina e escollemos as dúas plataformas máis usadas para escoitar música galega -Youtube e Spotify- e creamos unhas listas de reprodución que actualizamos mensualmente onde recollemos as cancións que máis están a soar no país. Escoita o TOP25 de GZmúsica!!

Chega a Gala Final da 3ª edição do Eclosom. O vindouro sábado, ás 22h da noite, a Gentalha do Pichel vai acolher esta final. Flow do Toxo, Kanitroters e Lagháchema são as formações que chegaram á final. O Pichel voltou convidar GZmúsica a formar parte do júri e este ano será a fotógrafa Lucía Mallo a nossa representante. Entra no artigo e escuita as 3 bandas finalistas!

A primeira vez foron Verónica Codesal e a gaita galega ás que, da man de Urban Trad, levaron a música galega a Eurovisión, concretamente a Letonia en 2003. Agora serán os NAO os que leven a nosa lingua e a nosa música ao festival europeo. Porén, nesta ocasión será ben distinta ao que acontecera no 2003. Se daquela a integrante das Ialma levou un petisco da música de noso, desta volta será música 100% galega pero representando a Andorra. Despois da votación realizada esta fin de semana pola RTVA, a banda galega resultou a sorprendente gañadora e vén de confirmar que acepta o convite.


O pasado 14 de marzo, o ciclone Idai arrasou Moçambique. Máis de 4 000 mortos e medio milhão de afectados, no "maior desastre natural do hemisferio sul" segundo a ONU. A artista moçambicana Selma Uamsusse, lisboeta de adopção desde os 6 anos, é a mentora e organizadora de "Mão dada a Moçambique" un evento solidario que terá lugar o vindouro 2 de abril en Lisboa. Máis de 40 artistas portugueses e internacionais, entre os que se encontra a galega Uxía, tomarão parte no concerto.


O certame das músicas emerxentes que organiza a Gentalha do Pichel de Santiago de Compostela, bota andar neste 2019. Unha nova edición do Eclosom dá comezo co obxectivo de promover as novas bandas que canten  en galego e con presenza feminina.

Un ano máis chega o concurso Cantalingua, pensado para dar a coñecer entre o público máis novo a música que se está a facer no noso país.  Así que xa podedes participar no Cantalingua 2019, o concurso musical do Correlingua. Cantalingua é un concurso musical destinado a bandas ou solistas que desenvolven a súa actividade en galego. Poden participar grupos musicais ou solistas de calquera estilo que teñan o galego como lingua.


A asociación MIM créase no 2016 co obxectivo de dar visibilidade a todas as mulleres da industria musical. En dous anos de existencia a asociación pasou de 30 a máis de 300 asociadas e asociados, contribuíu a introducir mulleres en paneis, xurados, mesas de debate, profesorados, e tamén nalgúns escenarios. Xerou unha web de libre consulta que da visibilidade a artistas e profesionais do sector, e seguirá traballando para que a igualdade de condicións e representación entre mulleres e homes do sector, sexa efectiva, e para que todas e todos sexamos conscientes, que coa igualdade no terreo profesional, e a igualdade no plano persoal, a sociedade só pode mellorar.

Utilizamos cookies

Utilizamos cookies no noso sitio web. Algunhas delas son esenciais para o funcionamento do sitio, mentres que outras axúdannos a mellorar este sitio e a experiencia do usuario (cookies de seguimento). Podes decidir por ti mesm@ se queres permitires o uso de cookies ou non. Ten en conta que, se as rexeitares, é posíbel que non poidas utilizar todas as funcións do sitio.